torasse

Torasse, f. penac. Est une espece de vache de basse taille et petit corsage, laquelle appete plus et suit plus le taureau que les autres vaches, et partant n'est gueres laictiere: Car outre ce qu'elle ne porte gueres, et n'a plustost veellé, qu'elle appete le sault du taureau, et à ce moyen n'est bonne à garder ne pour laict ne pour race, comme au pareil Columel. li. 8. cap. 2. dit, de auibus pumilionibus. et Plin. lib. 6. cap. 16. Taura. Colum. lib. 6. cap. 22. Varr. lib. 2. de re rust. cap. 5. et Festus, lesquels dient que la Torasse est brehaigne. Le mot est de la façon de cestuy Hommasse, pour la femme qui tient plus de l'homme que de la femme, Virago, comme les Latins par telle analogie eussent dit pour Taura, Taurago. Ce qui est à l'imitation du Grec, qui de {{t=g}}anêr{{/t}} fait {{t=g}}andrus,{{/t}} comme a estimé Aquila en sa traduction, ce que le Biscain suit, disant Andrea. Mais de ce nom il appelle toute femme, Taura mascula, ou Taura taurilis, comme de Vir, virilis foemina, comme aussi l'Espagnol de Varon fait Varonil, Muger Varonil, ce qui est pour la qualité de la Torasse en ce qu'elle est bonne au joug comme le toreau, comme dit. Col. audit livre et chap. Car en ce que selon nos Vachiers et laboureurs elle est addonnée à desirer le sault du taureau, Il la faudroit rendre par Vacca taurosa, à la proportion de Mulier virosa, {{t=g}}tauromanês,{{/t}} à l'analogie de {{t=g}}andromanês.{{/t}} Car Aristote lib. 6. de hist. animal. dit aussi {{t=g}}taurésin ai boés,{{/t}} Boum cupidine inflammantur vaccae.

Thresor de la langue françoyse. Jean Nicot.